DOWNLOAD OUR APP

Read latest news on your phone
app-store

Historical Village-ah CHAWNGTLAI puang dawn

Feb 15, 2014

Historical Village-ah CHAWNGTLAI puang dawn

Aizawl; Chawngtlai chuan an khua chu Mizo thilhlui tam tak awmna nia sawiin February 21,2014 hian 'Mizo Historical Village' atan puan an tum a, hemi ni hian pipu ten ral an thah dan leh milu lak dan entirin Sahlam ah milu lem khai entir an tum . Nimina Press mite an kawm naah Chawngtlai Welfare Committee chuan phuahchawp leh thawnthu mai nilo, pipute sulhnu tam tak a la awm avangin Chawngtlai hi 'Mizo Historical Village'atan chhal ngam a ni, an ti. Chawngtlai khuaa pipu sulhnu la awm nia an tarlan te chu Chawngtlai Lal Nikuala leh a hoten Pawih ral an thah lu an khaina Sahlam, Mizoram thingtlang khua a Thlanmual hmasa ber, Kum 1932 a sak Zawlbuk ban, kum 1700 vela Hmar hnam pengte sulhnu nia hriat Lung milem, pasaltha in an phun thin Hranglung, Hmar lungtat, Lal Nikuala in hmun, pasaltha Hranghleia thlan, Lal lungdawh, Khawpuitan tlang, Lalruanga lung kah keh, Lungsen (Aienna lung) leh Mizorama nau hual/lawm tichhuaktu Biaklawma hriat-rengna lung te a awm niin an sawi. Heng bakah hian pasaltha Hranghleia tawlhlohpuan leh feikibar, Puk ropui, Lasi rorelna puk, Hringei puk leh Khuai lui ral leh turnipui te pawh a awm niin CWC chuan an sawi bawk.
Share now