May 18, 2023; Mizoram sawrkar hnuaia thawk ten hlawh an lak tlai thin nachhan ber chu 'Post Devolution Revenue Deficit Grant' leh 'Share of Taxes' te central lam atanga dawn tlai a nih thin vang a ni ber.

Mizoram a sawrkar hnathawk inzawmkhawmna - FMGE&W angin sawrkar laka phut an neih hrang hrang ah hmalakna an kalpui mek reng a, chung zingah chuan a hun taka hlawh lak pawh hi a tel.

Mizoram sorkar hnuaia thawkte’n a hun tak (last working day) a hlawh an lak theih loh chhan hi, sawrkar hnathawkte hlawh tumtu ber atana hman, 'Post Devolution Revenue Deficit Grant' leh 'Share of Taxes' te hi central lam atanga dawn tlai a nih thin vang a ni ber.

FMGE&W inkhawmpui vawi 32-na tunhnaia an hman thurel zingah, IFMIS chu system lamah duhthusama hman theih a peihfel a nih hma chuan a hma anga hlawh lak chhunzawm ni rawh se, an ti a. New Pension Scheme ti boin, Mizoram sawrkar hnathawk zawng zawng tan Old Pension Scheme hman tura sawrkar ngen nise ti bawkin, Mizoram sawrkar hnuaia sawrkar hnathawkten a hun taka hlawh an lak theihna’n pawlin chak zawkin hma lak nise, an ti