ZALEN September 04, 2026 : Sawrkar an ngenna a hlawhtlin loh avangin Hlimen Local Council (LC) leh All NGO ten nili chhung park tlawh theih lohin an dang tawh.

Hlimen khawtlang hruaituten ZALEN an hrilh danin park tlawh tura kalte zinga tam ber chu hnamdang tourist an ni a, vawiin khan mi 60 chuang park tlawh tuma kalte chu an haw tir leh.

Khawtlang hruaitute chuan, an thilphut tih hlawhtlin a nih loh chuan an hmalakna chu chhunzawm zel a ni dawn tih an sawi a, YMA section-te an in duty chhawk thin thu an sawi.

Tarlan tawh angin, Lalsavunga Park enkawl a nih danah duhthusam lo tam tak an hmuh avangin tuna enkawltute contract titawp turin Hlimen LC leh All NGO ten sawrkar an ngen a, an ngenna tihhlawhtlin a nih loh avangin September ni 1 atang khan Lalsavunga Park hi tlawh theih lovin an dang a ni.