ZALEN January 23, 2025 : Thlai thar a bikin Mizo hmarchate, Sawhthing, Aieng leh Anthurium Mizoram state pawna thawnchhuah hmaa sawngbawl dan inzirtirna workshop chu vawiin khan Aijal club, Aizawl ah neih a ni.

He workshop hi APEDA (Agricultural and Processed Food Products Export Development Authority), Govt. of India, bul tumin Department of Commerce, Ministry of Commerce and Industry, Govt. of India leh Department of Horticulture, Govt. of Mizoram nen tangkawpin buatsaih a ni.

He workshop hi Prof. Dr. N. C. Saha, Former Director, Indian Institute of Packaging, GOI Director hlui, tuna Foundation for Innovative Packaging and Sustainability (FIPS) Chairman ni laiin a kaihruai a, Ramdinliani, IAS, Secretary Agriculture & Farmer's Welfare leh Horticulture Department, Govt. Of Mizoram niin kalkhawmte fuihna leh duhsakna te hlanin Workshop booklet a tlangzarh nghal.

L. Lalhmingmawia, Additional Director of Horticulture in thusawina hun neiin Mizoram atanga thlai thawnchhuahte chungchang leh sawngbawl that a tulzia te sawizauna neiin, Technical sessions topics pawimawh tak tak hmangin chhunzawm a ni a, mithiamte hnen atangin zirtirna pawimawh tak tak ngaihthlak a ni. He workshop hi chhawrnaawm taka hman anih theih nan zawhna leh chhanna hun neih chhunzawmin sawiho nghal zelna nen khar a ni.