ZALEN Jan. 9. 2025; Mizo hmeichhia ten eizawnna kawngah huang an zauh zel a, Lalawmpuii (48), Thingkah, Lawngtlai district chuan auto rickshaw khalhin nitin ei a zawng mek.

ZALEN in a biakna-ah Lalawmpuii w/o Rorelliana, Thingkah hian thla li (4) bawr vel anmahni auto rickshaw a khalh tawh tih a sawi a, Lawngtlai town area chhungah a service thin tih a sawi.

A pasalnen fa pali an nei a, a pasal Rorelliana hi thing mistiry niin, chhungkaw ṭangrual tak an ni.

Lawngtlai district huam chhungah ani lo hi midang hmeichhe auto rickshaw khalh a eizawng an awm hriat a ni lo a, Mizoram hmun dangah pawh an awm a nih pawhin tam an awm a rinawm loh.

Aizawlah leh khawpui dangah hmeichhe city bus conductor te, two wheeler taxi khalh te leh maxi cab (sumo) khalh a eizawng hriat tur an awm nual tawh. Mizo society-ah hmeichhia ten eizawnna huang an zauh ve mek zel niin a lang e.