March 25, 2024; Mizoramin Lok Sabha MP inthlan a hmachhawn tawh a political party in hmeichhe official candidate a neih hmasak ber nia hriat Rita Malsawmi ZALEN in kan be pawp, modelling atangin zai lamah, chumi hnuah politics ah...

ZALEN zawhna chhangin PC party in MP candidate atana an puan, Rita Malsawmi chuan India ram politics ah hmeichhia ten sulhnu ropui tak tak an hnutchhiah tawh tih sawiin, chumi ang chuan amah ngei pawhin sulhnu ropui tak hnutchhiah ngei a tum tih a sawi.

Pathian leh mipui zarah tlin ngei pawh a inbeisei tih sawiin, a theih ang angin campaign pawh an nei chho mek niin a sawi.

Politics a luh tum ngailo a nih thu leh party hruaituten an ruat avanga ding tur a nih thu sawi bawkin, "Ka ko ah a tla a, mithiam leh puitling tam tak karah political party in hmeichhe official candidate a neih hmasa ber tur ka ni a, ka tlin ngei pawh ka ring," tiin a sawi.

Rita Malsawmi hian naktuk March 26, Thawhlehni ah nomination a file dawn a, symbol ah 'Hamrik' a hmang dawn a, Laipuitlang, Aizawl a khawsa mek a ni.