DOWNLOAD OUR APP

Read latest news on your phone
app-store

Hna thawh nasat lutuk a tha lo ; A hun hmaa thihna a thlen thei!

Jun 20, 2021

kum 80 ni ta se, hna thawh nasat lutuk erawh chuan kum 60-70 inkarah pawh a ni thei tihna a ni

Taksa mamawh tawk hna thawh hi hriselna atan a tangkai em em a, chutih rual chuan thawh nasat leh lutuk erawh dam rei lohna a ni thei daih thung. World Health Organization (WHO) chuan kar khata chhunga darkar 55 aia rei hna thawh chu taksa tan a tha lo a, a hun hmaa thihna a thlen thei tih an tarlang. 

Hemi awmzia chu mihring hrisel tha pangngai dam theih hun chhung hi kum 80 ni ta se, hna thawh nasat lutuk erawh chuan kum 60-70 inkarah pawh a ni thei tihna a ni. 
WHO chuan zirchianna an neih hnuah hna thawk nasa lutukte chuan lung natna leh stroke neih theihna chance an nei sang bik tih an sawi a, hei hi a bikin kar khat chhunga darkar 55 leh a chung lam hna thawk thinteah a hluar niin an sawi. Heng mite hian kar khata darkar 35 atanga 40 inkar thawk thin te ai chuan a hun hmaa thih theihna chance an nei sang bik a ni. 

Asian Heart Institute, Mumbai-a Senior Interventional Cardiologist Dr. Tilak Suvarna chuan, “Hna thawk nasa lutuk te hian harsatna hrang hrang an tawh theihna a sang bik a, a bikin lungnatna leh stroke neih an awlsam bik. Hetiang mite hian taksa sawizawina hun hranpa an neih thin loh avangin an taksain a tuar a, an ei leh in hunbi a mumal loh phei chuan a pawi thei hle a,  heart attack an nei awlsam bik a ni,” a ti. 

Kan ni tin mamawh thawk chhuak tura hna thawh hi mihringte hian kan mamawh a, chutih rual chuan thawh leh lutuk a awm thei a nih chu! Ni khata kan hna thawh hun chhung tur bithliah thiam a pawimawh a, chu chuan kar khat chhunga kan hna thawh hun chhung tur a hril ang a kan hun chhung tur thui takin a hril 
dawn a ni. 

Share now