Dated 13th April ’14 Zalen chanchinbu Sunday a chhuak phek hmasa a kan lo hmuh “Mizoram Governor in Raj Bhavan” a thaibo tih hian ngaihtuahna a chawk thovin,thil thleng mak tak leh kan Hnam nghawng thil a ni a. Art and Culture Department-in a Mizorama Hmunhlui (Monument/site)a humhalh 82 (sawmriat leh pahnih) te zinga a pakhat anih thu pawh tarlan a ni. Art and Culture-in a humhalh zingah hian hman lai a kan ram a cheng hmasa te Sulhnu leh hmun pawimawh bik te, entirnan:- Aizawl khawpui chhung bikah chuan Assam Rifles Bahrik Lung a sakho te, Assam Rifles Quarter Guard building te, Officer Club building te, Assam Rifles Hospital building, Loch House, D.C.Bungalow (Raj Bhavan) leh Deputy Commissioners Office building, Aizawl Treasury building, Boys M.E.School Building, Boys Primary School building leh, hmun dangah chuan Paikhai IB Building, Taitaw I.B. Building, Kolasib I.B.Building, N.Vanlaiphai Travelling Dispensary Building, Lunglei D.C.Bungalow, Zotlang Lal In, leh thlan lung leh hmunhlui historya pawimawhna nei etc etc teho an ni tlangpui a. Raj Bhavan hi Superintendent (Borhsap) kan lo tih thin, Lushai Hills awptu thin Bangla pawimawh tak leh compound pawh zau tak nei a ni a. Kawngpui zauhnan leh Governor Secretariat leh mikhual pawimawh thlenna In sak nan te an hman tak avangin a compound hi a chep ta deuh a ni. Hetiang a chanchin thar a lo lang ta mai hian kan ram a hmun leh In ro hlu kan neihchhunte tichhiaa tunlai in sak changkang zawk leh tunlai zawka an sakte ai pawhin heng In rote hi an hlu zawk em em in, an sak dan hmangah an ulukzia leh heng hun lai kum 1900-1930 lai vela an lo rinawmzia te pawh a hriat theih phah a. Governor hian thuneihna sang tak nei mah se Mizo mipui, vawiina mi mai ni lo, kan mi hmasa kal tate pawhin an lo roh leh chhuan em em, nakin a thangthar lo awm zel turte pawhin a an hlut a an roh em em tur hi, khawih danglam lova humhalh zel a nih theih nan ngaihtuahna a siam tha leh thei turah i ngai ang u. Tunah Kan ramah hotu ber nia a awm chhunga hetianga he hnam ro hlu thaichhiat duhna hi khawi atanga lo chhuak leh tu thu rawn nge ni ang tih ngaihtuahnaah a lo chhuak a. A ni chu an ram lama la haw leh mai tura ni si a. Kan rama mi hmasate sulhnu tha humhalh leh vawnhim hi vawiina kan ram hruaitute leh thangthar lo awm zel turte’n kan vawn that hi kan mawhphurhna theuh a ni tih hriain i humhalh tlat zel ang u. Heng in hlu leh pawimawhte hi Indian National Trust for Art and Cultural Heritage (INTACH) Mizoram chaper good book-a mi an ni ngei awm si a. —  Vanhnuailiana Sailo Ph:9862482761