ZALEN Oct. 16, 2025; Hnamdang (vai) ten hnathawhna leh sumdawnna-ah kan buzawl min luhchhuah mek a, an lut thuk zel ni pawhin a lang.

ZALEN in Aizawl khawpui chhung bik a hmuh danin, cement work lamah chuan thawh sen loh hna an hmu emaw tih mai tur khawpin, cement mistiri leh helper te an ṭul em em a, ṭhekha in hna an la a, hmun hrang hrangah an indaih lo hle.

Sumdawnna kawngah pawh huang an zauh zel tih theih turin, kuhva/panhnah lam mai ni lo, bawngsa zuar thlengin an awm tawh a, hmun hrang hrangah hmuh tur an awm.

ILP hmanga Mizoram lut an ni a, an thawh tur dik tak an thawk em? Cement work lam thawk tur an sumdawng daih em? Enfiah an ngai hle niin a lang.

Hetihlai hian heng hnamdang sumdawngte hian thawhpui an nei thin niin an sawi a, chungte chu Mizote bawk niin sawi a ni thin.