ZALEN 6 August 2024 : Sakawrtuichhun YMA thuchhuahin a tarlan danin kawngpui tha kan nei ngai lo hle a, tunah phei chuan Aizawl City Area-ah an veng aia kawngpui nei chhia veng dang an awm lo ni hialin a sawi.

Kawng khuar nasa avangin lirthei leh kea kal tan pawh kal hleih theih lohna a awm nual a; leimin thenfai ngai kan nei nual bawk niin an tar lang a. An khawtlang an mangang a, sawrkar thuneitute an ngen fonain an beisei ang a thlen theih rih si loh avangin Branch YMA Executive Committee meeting chuan kawngpui chhia siam tur hian khawtlang huap HNATLANGPUI neih a rawt ta tih an sawi.

An hnatlan dâwn avang hian naktuk zing dar 9:30 leh tlai dar 4:00 inkarah an vengah lirthei eng chimah a kal tlang theih dawn lo tih sawiin an veng kaltlang thin mipuite hriatthiamna an ngen.