Aizawl: Nimina Joint Action Committee on Inner Line reserve forest demand 
thukhawm chuan an document thehluhte Home department-in a kir leh avangin 
an hrethiam lo hle tih an sawi.

Nimin chawhma dar 11:30 khan JAC on Inner Line reserve forest 
demand committee, party leh NGO ten MZP Conference hall Treasury Square 
ah meeting an nei a, Mizoram leh Assam ramri chungchang a pawl hmalakna leh 
hmalak zel dan tur an rel. 

Meeting hian JAC hmalak tawhna leh JAC in Mizoram-Assam inkar 
buai chungchanga document a lo zawn khawm thahnem tak chu tha a tiin khawi 
hmunah pawh rin ngam niin a hria a, document zawn khawm hna harsa tak neih 
a nihnaah hmalatute chungah lawmthu an sawi a. 

Hetih laia Home Department-in August 10, 2021-a document an 
thehluh tawhte a rawn kir leh chu mak an tih thu leh an hriatthiam loh thu meeting 
ah hian an sawi a. JAC hmalak tawhna hrang hrang te thlir in kal zel ni se an ti 
bawk.