Aizawl February 2, 2024 : Home Minister K Sapdanga chuan vawiin khan Edenthar, Aizawl-ah The Pathway School a hawng a, a hmun dikah mi dik takten an din a ni, a ti.

Nursery atanga class VII zir theihna tur school hi tunlai thiamna changkang hmanga thuam niin, smart classroom vek a nih dawn bakah ICSE curriculam an hmang dawn niin a dintute chuan an sawi.

Sapa chuan, "Zirna uar chhungkuaten school an din a. Ka bial chhung Edentharah din a ni hi lawmawm ka ti hle a ni. School dintuten an tum an tihhlawhtlin ngei dawn a, a dintu leh a dinna hmuna chengte tan Pathian malsawmna a nih ka ring a ni," a ti.

The Pathway School hi Churachandpur, Manipur-ah hlawhtling taka kalpui mek niin zirlai 1,200 vel an nei a. He school-a an co-ordinator Adiel Lalrihlimum chu tunah an din tharah hian Headmistress-in a awm a, Mizorama school ?ha ber siam an tum a ni.

Edenthar-ah mi malin school din tawh ?hin mah se rei an kalpui thei ngai lo va. Aizawl khawpuia mi mal school tha a awm lohna hmunah The Pathway School din a nih rualin chona an hmachhawn dawn tih an pawm.

School Administrator Rita Vanlalchhanhimi chuan : "Education tha hmu lote tana zirna pek an duh a. Chona a ni a, a dinna hmun tur tak niin kan hria a, kan duhthlan a ni," a ti.

The Pathway School-ah hian admission fee Rs 5,000 leh monthly fee Rs 2,500 a ni.