Aizawl September 18, 2023: Vawiin khan Home Minister K. Sapdanga leh Excise Minister Lalnghinglova Hmar te chuan Saitual leh Khawzawl an tlawh a, Zokhawthar thleng minister te hian an tlawh dawn a ni.

Saitual-ah hian Department hotute leh khawtlang hruaitute nen DC Conference Hall-ah an inkawm ho a, Khawzawl-ah hian pual hian 2nd IR Battalion hmunpui Khawzawl Lungvar-ah inkhawm tawi hman a ni.

K Sapdanga chuan ram ralmuang leh ram tha siam nan rem hriatna leh tha leh zung sen ho na tur a tam hle a chuvang chuan lungrual taka thawk tur in kalkhawmte chu a sawm a. Saitual, khawzawl leh Champhai  tlangdung chu International Boundary, ruihhlo veivahna kalkawng anih avangin Sawrkar, khawtlang hruaitu leh NGO te tan ho angai takzet a ni, a ti a. Kawng engkim ah dan chu dan a kal a ngaih thu sawiin, dan kengkawhtu te pawh theihtawp an chhuah tur thu a sawi. Home Minister chuan Mizoram chu an tu leh fa lo awm leh zel turte tan chenfakawm a nih theih nan tan rualpui ah a sawm.

He hunah hian Home Minister tawiawm tu, Excise minister Lalnghinglova Hmar chuan Mizoram nuam tak chu ruihhlo in a tibuai hle a ni, a ti a. Chu ruihhlo Nu leh Pa mu theilo a siam tu tihrem hna chu chak taka kal pui an tum thu a sawi a. Chu hmalakna atan chuan Sawrkar tha ti chak turin khawtlang hruaitu te an pawimawh hle a, tanrualna tha tak hnuaia hna an thawh chuan ruihhlo umbo theih a beisei thu a sawi.

Home Minister hian Krismas leh Kumthara Police Duty te tanpui nan 2nd IR Battalion leh Khawzawl SP Office te hnenah cheng ₹10,000 ve ve a hlan nghal bawk.

Home Minister leh Excise Minister te hi Thomas Zodingliana, DIG (Eastern Range), David H. Lalthangliana OSD (Home) leh Z. Lalhmangaiha, Jt. Commissioner (Excise) ten an tawiawm a ni.