Aizawl December 12, 2023 : Vawiina 9th Mizoram Legislative Assembly thutkhawm vawi khatna neih zawh hnuah Horticulture Minister Prof. Lalniliana hovin Horticulture Directorate-a thawk Officer te leh Horticulture Commissioner & Secretary Garima Gupta, IAS hovin meeting hmasa ber an nei.

Horticulture Minister Prof. Lalnilawma chuan, "Horticulture department hi ka tuina tak a ni a. Development department te ngaihpawimawh anni dawn a, a thawktute mamawh ang phuhru turin hmalak kan tum ang a, kan tum ber tur chu kuthnathawktute ngaihpawimawh a chawikan a ni. Kuthnathawktute thar chhuah hralhna turin prosessing leh marketing te ngaihpawimawh a, kawng dap zel a ni ang. Farmers ten a hlawkna an tèl hi kan hlim a ni mai," a ti. Department a thawktu te nen inpawh tlang tak leh tha tho taka thawk ho turin a sawm bawk a ni.

He meeting hi Horticulture Director C.H.Lalmuanpuia, MHS-in a kaihruai a. Inhmelhriattirna te neih zawh anih hnu ah Horti hnuaia hmalakna hrang hrangte leh hmalakna tura hmachhawp te Sectional Officer te'n Powerpoint presentation hmangin inhrilhfiahna hun an hmang bawk.