Nick Jonas leh Priyanka Chopra te fanu Malti Marie Chopra Jonas chu ni 100 chuang zet newborn intensive care unit (NICU) ah a awm hnuin May 8, 2022, Pathianni khan a chhuak ve ta. Nick leh Priyanka te fanu hi January 15 khan San Diego Hospital, USA-ah a piang a, a pian tirh atangin hospital-ah hian enkawl zui nghal char char a ni. 

Malti Marie Chopra Jonas hi a thlalak pawh hmuh tur a awm har hle a, Hospital atanga a chhuah hnu hian Nick Jonas leh Priyanka Chopra te chuan Instagram lamah an tarlang chauh - a hmel erawh an la thup sak thung. May 8 kha Mother's Day a ni a, hemi denchhen hian Nick leh Priyanka te chuan Instagram lamah thu lungkuai tak an post rualin, an fanu thlalak hi an tarlang a ni.