DOWNLOAD OUR APP

Read latest news on your phone
app-store

HPC tan permit kan pechhuak lo : Addl. PCCF

Feb 01, 2014

HPC tan permit kan pechhuak lo : Addl. PCCF

Aizawl; Additional Principal Chief Conservator of Forests Rosiama Vanchhawng chuan Mizoram Bamboo Industries Association ten Hindustan Paper Corporation (HPC) hnena Mau sah phalna permit 149 pechhuaka an puhna chu thu diklo anih thu a sawi. Addl. PCCF chuan, "Bamboo permit hi vai hnenah pek theih a ni lo a, mimal huana ching, pass (LSC, periodic patta etc.) neite chauh hnen-ah pek theih a ni a. Chumai bakah Forests department thawktu ten an enfiah hnuah pek tlaka an ngaihte chauh hnenah pek thin a ni a, hralhchhawn pawh phal a nilo a ni," tiin Zalen a hrilh. Rosiama Vanchhawng chuan, "Mau hi kum 3 hnuah tuai a pekchhuah tawhloh avangin kum 4 chin chauh sah tur kan ti a, hetih lai hian a tuai lo sat an awm thin a, heng mite hi kan hriat chuan kan man a, an permit pawh cancell kan tum hial a ni," a ti bawk. Mau sah mek chu department lamin tihtawp mai an tumlo tih sawiin Addl. PCCF chuan, "Mizoram mau te hi sah a hun tawh a, chubakah mimal huana mi te anih avangin keini tihtawp ngawt theih a ni lo," a ti. Mizoram Bamboo Industries Association te chu an department in an hriatpuilo tih Addl. PCCF chuan a sawi a, an mamawh hi kan ram Mau atanga chhutin 1% pawh a tlinglo a, mahse mamawh an neih chuan 'top priority' ah an dah niin a sawi bawk.
Share now