Aizawl; State pawna hnathawk, Covid 19 vang a an hna thawk chhunzawm thei lo (migrant worker) Mizoram Youth Commission (MYC) a inhriattir mi 2,637 te pual a duan, Livelihood Generation for Returned Migrant Workers due to COVID-19 hnuai ah Rs. 2,28,14,400 hmuh tawh niin eizawnna an neih theihna turin training buatsaih mek a ni.

MYC hotute hnen atanga ZALEN thudawn danin, Livelihood Generation for Returned Migrant Workers due to COVID-19 phase - I leh phase II siam niin, chumi atan chuan NEC in cheng Vaibelchhe 3 a rawn ruahman.

Phase -I hnuaia hmalakna turin Rs. 1,20,00,000 hmuh tawh niin, Commerce & Industries department hnuai ah mi 660 training nei tur a ruahman niin (mi 550 training pek an ni), senso atan cheng nuai 24 ruahman a ni a. LESDE hnuai ah mi 150 (training pek mi 120) tan cheng nuai 20, Incubation centre, MZU ah mi 100 (training pek mi 70) tan cheng nuai 10, Mizoram Food Processing Research & Training hnuai ah mi 120 (training pek mi 60) tan cheng nuai 10 leh Tourisim department hnuai ah mi 100 (training pek mi 96) training pekna atan  cheng nuai 11 ruahman a ni.

2nd phase hnuai ah Rs. 1,08,14,400 hmuh tawh ni bawkin, MYC, Aizawl hmalakna atan cheng nuai 8.300 ruahman niin, DC, Lunglei district tan cheng nuai 5.692, DC, Siaha district tan cheng nuai 8.300, DC, Champhai district tan cheng nuai 8.300, DC, Kolasib district tan cheng nuai 7.700, DC, Serchhip district tan Rs. 6.524, DC, Lawngtlai district tan cheng nuai 7.700, DC, Mamit district tan cheng nuai 5.092, DC, Saitual district tan cheng nuai 5.092, DC Hnahthial district tan cheng nuai 5.692 leh DC, Khawza wl district tan cheng nuai 5.092 ruahman a ni.

2nd phase ah MYC leh district tin DC te chu migrant worker te training an pek tur ruahman sak an ni a, chung te chu Cement mistiry, Food processing leh Cake baking leh piggery te an ni. MYC, DC Siaha, DC Champhai, DC Kolasib, DC Serchhip, DC Lawngtlai te chu mi 80 theuh training pe tur a tih an ni. Lunglei, Mamit, Saitual, Hnahthial leh DC Khawzawl te chu mi 60 theuh training pe tur a tih niin, July 2021 ah 2nd phase hi zawh tur a ruahman a ni.