Aizawl March 14, 2024 : Mizoram Board of School Education (MBSE) chuan vawiin khan hriattirna an chhuah a. Mizoram Board of School Education (MBSE)-in High School Leaving Certificate Examination, 2024 a kalpui mekah Social Science exam that/nawn a ni dawn lo tih an hriattir.

Social Science answer paper endik dan tur chungchangah zirlai tute mahin an tawrh lohna tur leh hamthatna chang bik an awm lohna turin Examination Committeein hma a lak tur thu an sawi.

He thil thleng avanga zirlai te, zirtirtu te leh nu leh pate rilru chiaina leh hlauhthawnna lo thleng zawng zawngah School Education Department leh MBSE chuan pawi a ti a. Zirlaite harsatna hrethiam takin MBSE chuan hma a la dawn a, tumah chiai lo turin leh thlamuang taka awm theuh turin an chah a ni. Hetiang thil duhawm lo hi a thlen nawn tawh lohna turin hma an lak zel tur thu an sawi bawk.