April 19, 2024; State Transport Authority (STA) in passenger phur chi lirtheiah High Secutity Registration Plate (HSRP) vuah lova tlan an awm nual avangin, uluk lehzuala endik thin tur a ni tih a tarlang.

STA chuan TATA motors in Sumo a tihtawp hnuin, state dang atanga Sumo hlui la chhuak a, duh duh registration lo bel a, Maxi Cab anga lo service ringawt an awm thin tih hriat a ni tih a tarlang a.

Chung motor te chuan HSRP an bel lo tlangpui a, hetiang a nih avangin Maxi Cab zingah HSRP inbel lo te endik ngun lehzual tur a ni tih a tarlang bawk.

Maxi Cab zingah STA phalna lova mahni remchan anga lirthei lo thlak ve ringawt an awm nual tih tarlang bawkin, chung ang man chhuahte chu permit cancel turin Secretary, STA hnenah thlen zel tur a ni.