ZALEN July 30, 2024; Vawiin chawhma dar 11 vel khan huan a samna-ah Zoramsaienga (50), Rabung khua chu nikhawhreloin a tlu a, damdawiin thlenpui a nih hmain a boral.

Durtlang branch YMA hruaitute hnen atanga ZALEN thudawn danin, Zoramsaienga hi Durtlang-a Home of Hope a awm niin, vawiin chawhma lam atang khan midang pahnihte nen huan an sam a, a mawng lam-ah awmin, a thianten a thawm an hriat loh avangin a chanchin an ngaihven a, nikhawhreloa a awm an hmu a ni.

A thiante hian Durtlang YMA hruaitute an pun a, a theih ang anga bawihsawm niin, rang takin Synod hospital panpui nimahse, damdawiin thlenpui a nih hmain a boral.

A ruang hi a awmna Home of Hope ah chawlhpui niin, Durtlang YMA ten kuang nen an thlaha, an khua Rabung (Khawzawl district) a vui turin lak a ni.