Hulk Hogan biopic-ah Chris Hemsworth

Admin - Sep 12, 2021

Hemsworth a inlan dawn miau avangin ngaihven a hlawh dawn

American professional wrestler Hulk Hogan chanchin tarlanna film siam a ni dawn a, Australian actor Chris Hemsworth chu Hulk Hogan lemah hian a chang dawn. 

Hulk Hogan biopic hi American screenwriter John Pollono chuan a story a buaipui a, Chris Hemsworth a inlan thei tur chu phurawm a tih thu a sawi uar hle.

WWE superstar Hulk Hogan biopic hi Netflix-ah tihchhuah a ni dawn a, tunah hian an buaipui mek. Chris Hemsworth pawh a inbuatsaih nasa hle a, a taksa 'sek' leh zuala a lan theih nan a thawkrim hle. 

Hetih rual hian hripui leng avangin harsatna an tawk chho dawn niin a lang a, mipui thahnem tak punkhawm ngai scene te a awm dawn avangin a hun takah an tichhuak thei ang em tih chu hunin a la hril dawn a ni. Hulk Hogan biopic hi a title tur puanzar a la ni lo bawk -  Australian actor Chris Hemsworth a inlan dawn miau avangin ngaihven a hlawh dawn.

Share now