ZALEN Nov. 12, 2024; Kumin krismas leh kumthar hunpui vuakvet-ah halpuah leh halmawi lam chi reng reng khap a ni leh dawn. Hetihlai hian tunhnai kum hnih chhungin halpuah leh halmawi hal chungchangah thubuai 31 ziahluh a awm.

Mizoramah hunpui vuakvet laiin halpuah leh halmawi lam chi reng reng khap a ni thin a, zawm erawh hlawh lutuk ngai lo. Kum 2022 ah thubuai 26 ziahluh a awm a, mi 28 man an awm, 2023 ah thubuai ziahluh 5 awmin, mi 9 man an awm. Kumin hunpui vuakvetah pawh khap a ni leh dawn a, awareness pawh neih mek a ni.

A tlangpuiin krismas vuakvet-ah halpuah leh halmawi lam hi hal a ni lutuk ngai lo a, kumhlui thlah zanah erawh nasa taka hal thin a ni. Kuminah khap a ni leh dawn a, a hlawhtling angem hriat a ni lo. Hetihlai hian dan bawhchhiate laka hremna lekkawh zel chu halpuah leh halmawi hal dona atana inzirtirna pawimawh tak a ni.