ZALEN Jan 28, 2025; Indian Air Force (IAF) kut a Lengpui Airport hlan duh lo thawm a ring chho zel niin a lang.

Mizoram sawrkarin Indian Air Force kut a Lengpui Airport hlan turin hmalakna a kal pui mek zel a, Draft Memorundum of Agreement (MoA) pawh peih fel a ni dawn hnai tawh.

Hetihlai hian IAF kut a Lengpui Airport hlan tura hmalak a nih mek lai hian duh lo thawm a ring chho zel niin a lang a, social media-ah hemi chungchang tarlanna reng rengah a duh lo zawng a comment a tam chho hle.

IAF kut a Lengpui Airport hlan tum chungchang avang hian Lengpui Airport Forum an ding tawh bawk a, anni pawl pawh hian press conference neiin an duh loh thu leh tha an tih loh thu an lo puang tawh bawk.