Aizawl : Zoram People Movement (ZPM) party thalai chu thuchhuah siamin ICU mamawhna a sang hle nia sawiin siam belh vat turin thuneitute an ngen tih an tarlang a, ZMC atanga hlawh la nurse te chu an thawhna tura ko let vat turin an phut.

ZPM chuan ZMC-ah hian ICU-ah damlo 34 an awm reng ang chawhrual theih niin heng te hi staff nurse 50 in a vil hna an thawk reng niin a sawi a, thawktu zat leh ICU damlo chhutin ICU dang siam belh thuai a tul niin an thuchhuakah hian an tarlang. 

An thuchhuahah hian sawrkar chu volunteer te phu tawk hlawh pe thei lovah an puh a, vo-lunteer-a thawk tur nurse a zawng reng chunga ZMC-a hlawh la mi 66 hmun danga thawk an awm chu an hriathiam theih loh thu leh sawrkar chu heng nurse te awmna hi a zawt a, "Sawrkar hian a ko let ngam lo em ni?," tiin zawhna an zawt. 

ZPM thalai chuan sawrkar chu health care facillity lam reng reng ngaihtuah duh lo leh muthlu der rei luia an ngaih thu leh, a rang thei ang bera ICU siam belh tur leh, nurse duty-te indaihlohna nasa tak avânga hah taka an awm mêk lai hian, ZMC-a hlawh la nurse, hmun danga thawkte ko lêt vat tûrin an phût tih an tarlang.