May 10, 2023; Manipur State chhung buaina chhuak vanga, Manipur a Mizo zirlai awmte venhimna leh Mizoram a hruai haw an nih mekna ah zirlai nu leh pa te chuan Mizoram sawrkar chungah lawmthu an sawi.

IMPHAL MIZO ZIRLAI NU LEH PATE LAWMTHU SAWINA

Kan hriat angin May ni 3, 2023 atanga Manipur State chhunga buaina chhuak avangin Mizoram aanga Zirlai awm mek ten nasa takin buaina leh harsatna an tawk a.

Kan tu leh fate, Imphal-a awm mekte mangang leh thlabar taka silaimu karah mittui nen an awm mek laiin Mizoram Sorkar-a kan hotuten heng Zirlai tangkhangte thlamuanna tura venhimna chungchang leh Mizoramah a rang lama hruai haw an nih ngei theihna tura anhmalaknaah kan lawm hle a ni.

Buaina chhuah tan tirh atangin Mizoram ChiefMinister-in him taka Zirlaite hruai chhuah an nih ngei theihnan theih tawp a chhuah a, Home Department-a thawktute leh an lo haw kawnga Mizoram House Kolkata leh Guwahati-a thawktuten duat tak leh duhsak taka an lo dawnsawnna zawng 
zawngte, Sorkarin an rawn hawnna man Thlawhna, Bus/Sumo, an Riahna leh Ei leh in a thlawn vekina ngaihtuah sak a. Kan fate tan theih tawpa Sorkar hmalakna leh insensona avangin May ni 9, 2023 zan hian Imphal-a Mizo zirlaite chuan Pathian zarah him dam takin Manipur an chhuahsan fel taah kan ngai a, kan lawm hle.

Tun tum Manipur buai avang hian Imphal-a zirlai nu leh pa/chhungte a remchan angin kan intelkhawm a, kan harsatna te inhriatsak tawnin, sorkar hmalaknate pawh engemaw chen kan hria a. Kan tu leh fate himna tur leh hruai haw dan turah Sorkar chuan theih tawp a chhuah tak meuh tih
kan hria a, thinlung takin Sorkar chungah lawmthu kan sawi takmeuh meuh a ni.

Contacts :

1. Lalrohlua (Apuia) Mobile No : 9862573500
2. Lalbiakzuala Sailo (Bza) Mobile No: 9774378954