February 27, 2024; Mizoram BJP chuan central sawrkar schemes hrang hrang hming chawi a inbumna nasa tak a awm avangin Mizoram mipuite fimkhur turin an ngen.

Thuchhuah an siam a an tarlan danin, mi thenkhatin website lem hmangin PM Modi schemes kaltlanga a thlawna pawisa dawn theihna te bakah laptop, phone leh thalaite bum theihna tur hmangin mi bum (Black) duh pawl an awm.

Heng bakah hian PM schemes website ni awm taka siam a awm nual bawk a, hengah te hian pawisa pek lawk ngai thinin, approval lehkha a tak ang taka siam a ni thin a, website rintlak central sawrkar website; gov.in awmlohna chu ring miahloh turin Mizoram mipuite an ngen.

India post tih leh central sawrkar hming chawia fraud website tam tak a awm a, hengah te hian a thlawna pawisa dawn theihna ni awm takin mipui an bum thin a, pawisa dawng lovin mipuite chuan an chan phah thin zawk a ni. 

Hengte a nih avang hian BJP Mizoram chuan inbumna hmanga central sawrkar hminghliau zawnga khawsa duh pawl an awm chu pawi an ti takzet a, Zoram mipuite heng inbumna laka kan fihlim theih nan fimkhur turin an ngen.