Aizawl August 15, 2024 : MIMA hruaitute chuan Mizo sumdawngte leh mipui tam takin income tax office atanga lehkha dawng an awm thin avangin Income Tax Office, Bawngkawn-ah August 14, 2024 khan an leng a, Insawifiah tur leh chawi tura thinna an hmu fo thin chu Mizoram-a cheng tribal-te income tax chawi lo tur an nih ang a tibuai zui lo turin an ngen a ni.

MIMA hruaitute hian Income tax-a an hotupa Remthanga hnenah hian lehkha lo hmu tawhte hi engtiangin nge hma kan lak zel ang tihte leh, lehkha an hmuh hian engtianga lo tih tur nge? tih leh Income tax office atanga lehkha hmuh fo loh dan turte an sawiho nghal a ni. Income tax chungchanga sumdawngte zirtir tura seminar neih thuai a tul thu te an sawi bawk.

Income tax office khawi hmun atanga pawha lehkha hmu tih ngaihna hre lo kan awm a nih chuan Income Tax Office, Bawngkawnah kalpui a, zawt fiah thin turin Pu Remthanga hian thurawn a lo pe a ni.

Mipuite leh sumdawngte tan MIMA chuan Income tax chungchangah Seminar buatsaih thuai a tum a. Mamawha inngaite chuan ngaihven turin an ti.