Kumin chu kum dang zawng aiin India ramah nipui a intan hma a, India weather department lam chuan khawlum tur thu leh temperature san tur zia a sawi reng a, mi maktaduai chuangin an tuar dawn niin an sawi. 

Nilaini-a state chief minister te a kawm naah Prime Minister Narendra Modi chuan, "Ram chhunga boruak a lum chak em em a, kum dang zawng aiin khua a lum hma a, a lum chak bawk," tiin a sawi.

India Meteorological Department (IMD) in an thlir lawk danin, India hmar thlang lamah leh central India velah chuan tun kar chho khan 2-4 celcius-a a san tur thu a sawi lawk a, a thleng dik viau bawk.

May leh June-ah te hi chuan ni sa lutuk hi India rama thil thar a ni hran lo a, kuminah erawh khua a lum hma hle a, March atang tawh khan temparature hian a san ber hun lai ang a thleng chho nghal a, khami thla khan kum 122 chhunga a lum ber tum a tawng a, Ni sat avangin khua pawh a lum hle bawk.

Center for Science and Environment chuan khawlum hian state 15 vel a tihbuai tur thu an lo sawi tawh bawk a, boruak nuama sawi Himachal Pradesh pawhin an tuar dawn niin an sawi tel bawk.

Tun kar chho khiaan khawpui ber Delhi pawh khua lum hle tura ngaih niin 44C a pel tura ngaih a ni.

IMD-a senior scientist Naresh Kumar chuan khawlum chhanah hian tualchhung boruak in a ken tel pawh a awm niin a sawi. A chhan ber pakhat chun hmar thlang lamah leh central India-ah fur kalta laia ruah tui tlak tlem vang a ni a, hei vang hian India khawthlang lamah March atang khan boruak a lum piah lamah a ro ta em em a ni.

Kuthnathawktu te chuan boruak lum lutuk avangin hian an wheat seng a tibuai phah a, hei vang hian Ukraine indona avanga thil thawnchhuah a buai avangin nghawng thui tak a nei theih a ngaih a ni bawk.

Khua a lum avang hian state tam takh electric mamawhna a san phah hle a, states then khatah chuan harsatna an tawn phah tawh reng a ni.

India hmun thenkhatah khua a lum tawh em avangin a bik takin hmar lam leh central region lamah harsatna a thleng a. Air condition leh water cooler te chu maktaduai tel hralh a ni tawh a, mi tam takin khawlum hmachhawn turin hma an la nasa hle a, tunlai thiamna changkang nei pha lo te pawhin an tui dahna te chu tui vawt an neih theihna turin lei chhungah te an phum a ni.