Redmi K50i 5G chu July 20 hian India-ah tlangzarh a ni dawn ta. Redmi K series hi enchhin a lo ni tawh a, Bureau of Indian Standards (BIS) certificate an hmuh hnuah tlangzarh a ni dawn ta a ni. 

Chinese smartphone siam chhuaktu lian Xiaomi chuan India-a Redmi K50i 5G tlangzarh tur hi official-in an puang tawh. Redmi K50i 5G hi Redmi Note 11T Pro thlaktu tur a ni dawn a, khawng tam takah upgrade a ni. Duh thlan tur chi hnih 6GB RAM + 128GB storage leh 8GB RAM + 256GB storage te a awm dawn a, rawng chi thum - Phantom Blue, Stealth Black leh Quick Silver te a awm dawn a ni.  

MediaTek Dimensity 8100 SoC a hmang dawn a, triple rear camera - 64-megapixel primary sensor,  8 & 2 megapixel secondary sensor te a hmang dawn a ni. A front camera pawh 16-megapixel a ni ang a, a battery hi 5,080mAh + 67W fast charging a ni bawk ang. A man tur erawh tarlan a la ni lo thung.