India ramah hian furpui hun (monsoon season) hi June leh September thla inkar hi a ni a, hetih hun chhung hi ruah sur tam hun lai ber a ni thin.

Fur lai hian chhim leh khawthlang lam atanga lo thlengin zawi zawiin ram pum a tuam chhuak thin a. Ruah sur tam avanga tui lian, lei min, in chim, inkalpawhna chhia leh chhiatna dang dang a thleng nasa thin hle.

Tun hnaiah hian ruah a sur tam zual a. Hei hi mi thiamte chuan khawvel puma sik leh sa inthlak nasa lutuk vangah an puh a. Khawvel hmun dangah pawh khaw awm  dan uchuak tak tak - khaw lum lutuk, vawt lutuk, thlipui nasa tih te pawh a tam zual.

Mumbai-ah ngei pawh hian fur lai hian ruah a tam thin a, kum tin tui lian an tuar ziah a; mahse, tun hnaiah hian hun reilo te chhunga ruah sur tam vak vak ang chi hi a thleng zing hle.

Sumdawnna khawpui lian a nih angin ni tin mi sang tam takin hna zawngin an pan \hin.

Hna zawnga lutte hian in tha leh man to an luah lo tlangpui a, a sak danah leh a awmna hmun pawh derthawng tak tak an luah fo avangin chhiatna pawh a thleng zing hle.

Furpui hian chhiatna nasa tak a thlen thin rualin he ruahtui ringa thlai chingtute tan erawh malsawnna a ni a. Ruahtui tla tur thlirin thlai an ching a, a tlak that leh chhiat hi India sum dinhmun innghahna pakhat pawh a tling hial.