Tun hnaia zirchianna atanga a lan dan chuan India mipui zatve aia tam chu an taksa mamawh tawk aia tlem an mu a, zan menrei chin thana nei an pung chak hle bawk. 
ETimes chuan tun hnai khan sleep poll hi an buatsaih a, heta vote thlaktu tam zawk 64% te chuan an mu tha tawk lo tih an sawi. 51% chu zanah darkar 4-6 inkar an mu a, darkar 4 pawh mu tling ngai lo 10% lai an awm bawk. Mihring hrisel tha pangngai tan zan khatah darkar 6 mut a tawk tih mithiamte chuan an sawi a, mut tam leh lutuk pawh a tha chuang lo niin an tarlang. 
Dr. Sanjiv Badhwar, Consultant, Kokilaben Dhirubhai Ambani Hospital chuan zan menrei chu thangtharah a hluar sawt hle tih sawiin, taksa mamawh zat aia tlem mut chu hriselna atan a pawi thu a sawi. Zan rei tak tak thlenga men chuan taksaah nghawng nasa tak a nei tih sawiin, zingah mu rei mahse an taksain a tuar tho thin tih a sawi. Vawi khat menrei chuan a lehpek a hril duh hle tih a tarlang bawk.