ZALEN September 5, 2026: Vigyan Bhawan, New Delhi-ah vawiin khan 'Zirtirtute Ni' pualin zirtirtute chawimawina National Teachers’ Award chu President Droupadi Murmu chuan a hlan a, mi 48 zingah Govt. Electric Veng High School, Lunglei Headmistress Lalnunmawii a tel. 

National Teachers’ Award hi vawiin khan New Delhi-a Vigyan Bhawan-ah President Droupadi Murmu kut atangin a dawng a. He chawimawina hian chawimawina thuziak, medal leh Rs. 50,000 a keng tel a ni.

Lalnunmawii hi Electric veng, Lungleia cheng niin thiamna lamah BSc (Mathematics) a ni a. Zirna bakah zirlaite hmasawnna tur hrang hrang tuipui mi leh a hnaa inpe tak a ni. Lalnunmawii hi Electric Veng, Lunglei atanga National Teacher Award dawngtu pathumna a ni.

Teachers Day hi India ramah hian Bharat Ratna Dr Sarvepalli Radhakrishnan piancham puala hman thin a ni a, Dr S. Radhakrishnan hi philosopher, scholar leh teacher niin 1952-1962 khan India Vice President a ni a, 1962-1967 chhung khan President a ni leh bawk.