India sawrkar hnuaia Ministry of Education chuan India rama zirna dinhmun zirchianna report a tichhuak a, kum khat (2020-2021) chhung khan India ramah school 20000 chuang khar a nih thu leh zirtirtu mi nuai 250000 vel zetin an hna an chan thu a tarlang. 

India ramah zirna tihmansawnna turin National Education Policy (NEP) kalpui a ni a, Unified District Information System for Education Plus (UDISE+) report tihchhuah a ni bawk. Report atanga a lan dan chuan kum 2020-2021 chhung khan zirnain 20000 chuang khar a ni a, chung zinga a tam ber chu private school an ni. Management fel tawk loh vang te, sum leh paia harsatna tawh vangte leh zirlai naupang neih mumal loh vanga school khar a tam hle.  

School khar hian nghawng nasa tak a nei a, a tuartu langsar chu zirtirtute an ni. Kum khat chhungin mi 250000 chuang zetin an eizawnna an chan a ni.  

Kum 2020-21 khan India ramah zirnain nuai 15.09 a awm a, 2021-22 ah chuan 14.89 ah a tlahniam leh bawk. Covid-19 chuan zirna chungchangah hian nasa takin nghawng a nei tih zirchiannah hian tarlan a ni bawk. 

Unified District Information System for Education Plus (UDISE+) report tarlan dan chuan ram chhunga zirnain zingah 44.85% chauhin computer facilities an nei a, a tam zawkin an la nei lo - a nei zinga 34% chuan internet connection a nei bawk.