DOWNLOAD OUR APP

Read latest news on your phone
app-store
India ramah Maruti car hralh a kal ber
Feb 12, 2023

Kum a thar a, motor siam chhuaktu company hrang hrangte pawhin an lirthei hralh zat an tarlang leh tan tawh. January thla chhunga India rama car hralh chhuah tam ber chu Maruti Suzuki company siam car te an ni a, Hyundai chuan an dawt a ni. 

1. Maruti Suzuki 
Maruti Suzuki hian nikum December thla chhung khan car 1,12,010 an hralh a, hei hi January-ah an khum hem mai - January thla chhung khan car 1,47,348 zet an hralh a ni. Maruti hian - Grand Vitara, Brezza, Ciaz leh Baleno te an hralh chhuak hnem ber. 

2. Hyundai
Hemi hun chhung vek hian Hyundai chuan car 50,106 an hralh a, December thlaa an hralh chhuah 38,831 an khum. Car an hralh chhuah zingah hian - Creta, Venue leh Kona Electric te chu a tam zual an ni. 

3. Tata
Tata pawhin December (40,045) an khum a, car 47,990 lai an hralh chhuak bawk. Chung zingah chuan - Nexon, Harrier leh Tiago EV te chu a tam zual an ni. 

4. Mahindra
Mahindra pawhin January thla chhung khan car 33,040 lai an hralh chhuak ve bawk a, December (28,333) an khum ve bawk - company hrang hrangte December aiin Jauary-ah an inhralh tha vek. Mahindra kutchhuakah chuan - XUV700, Scorpio N leh XUV400 te chu hralh kal zual an ni. 

5. Kia
Kia hian Mizoramah pawh showroom an nei thar a, nikum khan hawn a ni. Kia Seltos, Sonet leh Carens te chu an model chhuan vawr niin, January thla chhung khan car 28,634 an hralh a ni. Hengho bakah hian - Toyota, Honda, MG, Skoda, Renault te chu car hralh chhuak tha top 10-ah an lang bawk. 

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh