Indian photographer Vijayan-a’n Nature TTL Photography Award dawng

Admin - Jun 06, 2021

Thlalak 8000 zet lut zingah a tha berah thlan niin, US Dollar £1,500 a dawng

India chhul chhuak Thomas Vijayan chuan Nature TTL Photographer of the Year 2021 competition-ah lawmman pakhatna a dawng. Award a dawnna thlalak hi Zawng lian chi Orangutan thing kung lawn lai chung lam atanga a lak niin, a hnuaia tui tlingin thing kung leh van a reflect chu mawi dangdai tak a ni.  

A thlalak caption atan hian ‘The World is Going Upside Down’ tih a hmang a, thlalak 8000 zet lut zingah a tha berah thlan niin, US Dollar £1,500 a dawng a ni. 
Thomas Vijayan hi Bangalore, Karnataka-a piang niin, a hnuah an chhungkuain Canada-ah an pem. Kum 10 mi lek a nih atangin thlalak lamah a tui chho tan a, kum 2015 khan Nikon chuan Middle East leh Africa huam chhunga an Brand Ambassador hmasa ber atan an ruat nghe nghe. 

Kum 2016 khan Wildlife Photographer of the Year atan thlan niin, Natural History Museum, London chuan ram hrang 96 atanga wildlife thlalak 42,000 zet atangin ‘People’s Choice Award’ an hlan bawk. 

Vijayan hi 2019 khan Society of International Nature and Wildlife Photographers chuan Bird Photographer of the Year atan an lo thlang tawh bawk.

Share now