English singer Harry Styles chuan Denmark khawpui Copenhagen-a concert a neih tur chu inkhahna thleng avangin a thulh. Hemi chungchang hi Twitter-ah tarlangin, vanduaina tawkte a tawrhpui thu a sawi.
 
Copenhagen-a shopping centre-ah Pathianni khan inkahna a thleng a, mi pathumin nunna an chan. He thil thlenna hmun hi Harry Styles-a concert neihna tur hmun atanga mel khat vel chauh a ni a, mipui punkhawm chi a ni lo. Hei vang hian Harry Styles chuan Pathianni tlaia concert a neih tur chu a thulh thu leh, inpawng kahna theng chu pawi a tih thu a sawi. 

Kum 28 mi One Direction star concert chhim tur hian Royal Arena-ah mi eng emaw zat an pungkhawm hman nghe nghe a, mahse inkahna a thlen tak avangin chawpchilh takin thulh thu puan a ni. Harry Styles chuan,"Vanduaina tawkte ka tawrhpui tak zet a, thi chhungte an lainatawm tak zet a ni," tiin a sawi. 

Harry Styles hian tour a nei zui dawn thung a, July 5 hian Paris khawpuiah concert a nei dawn a ni.