Aizawl: January ni 20, 2023 Zirtawpni hian Mizo Hnam Run-ah chhung Inkhawm neih a ni a, hun hnihna a thusawitu PAC Member R.Lalhnuna chuan, an Party hmasawnna tur bakah Chief Minister Zoramthanga'n zoram a kaihhruai tawh dan leh a hmalakna te a sawi.

Lalhnuna chuan, "Chief Minister Zoramthanga hian theih tawpin nasa takin Zoram tan hma a la nasa em em a, inkalpawhna tha tak kan neih theih nan kawngpui tha tak te a siam a, mipuite’n dam mawh hritlana kan inenkawlna atan damdawiin tha tak te a din a, Sawrkar hmun pawimawh building sakna tur sum te pawh hi Central ah nasa tak in a nawr a, tihhlawhtlin in a lo awm ta zel a ni," a ti.

"Party thenkhat ten Social Media ah nasa takin MNF sawrkar hi sawisel mah se kan thil tih that te hi mipui ten an hria a, kan chungah rinna leh beiseina sang tak an nei a, an tan thei tawp chhuah turin kan awm zel dawn a ni. Vawi khat mah la sawrkar ve lo ZPM Party thil tih that leh Zoram tana hmasawnna tura hmalakna pawh nei lo hian, sawrkar ve an in ring pawh hi in ennawn leh se," R.Lalhnuna chuan a ti bawk.

Hnuna chuan, "Zoram dung leh vangah Pathian leh mipui zarah MNF hian seat tam zawk kan la thei zel a, Bye-Election te, AMC te, MADC, Local Council leh Village Council inthlanna awm tawh ah pawh mipui ten MNF chungah rinna an nghah avangin kan sawrkar thei zel hi a lawmawm hle a, kum 2023 election ah pawh Pathian leh kan ram tan kan sawrkar leh ngei ka ring a. Kan Party mipui te pawhin theih tawp an chhuah zel dawn a ni," a ti bawk.

HC.Lalmalsawma Zasai MDC pawhin thu sawiin, Siaha lama MNF dinhmun report a pe a, MADC lam tan beiseina sang tak a la awm thu leh ban sawm nei bia party nena inkungkaih duhlo Chief Minister hmalaknain Mara Kristian mipuiteah MNF rinna nasa tak a pian belh niin a sawi.