ZALEN September 8, 2026: Kolasib Bawrhsap H. Dolianbuaia leh Cachar Bawrhsap Shri Rahul Kumar Gupta, IAS te chu awiin khan Cachar DC Conference Hall-ah an inkawm a. Kumin October ni 30-a Vairengte-a Inter-State Border Festival neih tur chungchang leh hmasawnna tura thawhho dan tur te an sawiho.

Bawrhsap pahnihte hian Vairengte-a Inter-State Border Festival buatsaih tur chu hlawhtling taka hman a nih theih nan theih tawpa thawhho an tiam a. Infiamna hrang hrang - Futsal, Badminton, Volleyball leh Table Tennis te buatsaih tum a nih bakah, hnam lam chi hrang hrang entir a ni ang a, ATMA leh MZSRLM atangin stall hawn a ni dawn bawk a ni.

Thutkhawmah hian ramri hrula cheng mipuite ralmuang leh thlamuang taka an awm theihna tur te, ruihhlo dona kawnga tha thlah lova thawhho dan tur te leh hmasawnna kawng hrang hranga District pahnihte thawhho dan tur an sawi dun bawk.

Bawrhsapte inhmuh rual hian Kolasib District Superintendent of Police Lalrinpuia Varte leh Cachar SP Shri Partha Protim Das, IPS te pawh inkawmna an nei bawk a, an district huam chhunga dan kenkawhna (law enforcement) leh ruihhlo tawlhruk dona kawnga thawhho dan tur an sawidun bawk a ni.