ZALEN : Vawiin November ni 19, 2024 khan Youth Icon 2024 Top 5, J. Lalrosanga fans te chuan miharsa zawkte tana an pawisa thawh tlingkhawm cheng 26,220/- chu Zo Inspiration Foundation-ah an hlan.

Zo Inspiration ten an tarlan danin thilpek thawhkhawmtu te hi khawvel hmun hrang hrang, Macau, Singapore, Hongkong leh China ah te an awm a, thawkhawmtu zawng zawng hi an sawi danin mi 29 lai an ni a, a tlangpuiin House Maid leh Home Nurse hna thawk te an ni.

Rsa fans te hmalakna hi a ropui kan tiin kan lawm takzet a ni. Tin, an hmalakna hmingchawitu Rsa pawh tun dinhmun a thleng hi kan lawmpui hle a, Pathian chakna rinchhan a hmalam pan zel turin duhsakna kan hlan e tiin Zo Inspiration chuan an FB leh Instagram page ah an tarlang a ni.