Aizawl : JAC on Inner Line Reserved Forest Demand chuan nimin khan Aizawl Press Club-ah press conference an ko a, JAC chuan a rang thei ang bera Ralvenbuk sak an tum thu an puang a, thalai za tel ten an riah chilh tur venbuk ngialnghet tak sak thuai an tum tih an thuchhuah an siamah an tarlang bawk.

Bairabi leh Vairengte-ah CM leh bialtu MLA te thahnemngaihna a tun hnaia kawng laih tlang chu lawmawm an tih thu an sawi a, he kawng laih tlang tawh tawpah hian ramri venhim zuina tur Ralvenbuk hi sak turin ruahmanna an siam a, pakhat dang hi Hachhek bial khawi emaw laia sak tur a ni. 

Ralvenbuk sak hi July 6, 2021 -a all political party, all NGO’s  leh JAC ten lungrual taka hmalakna atana kan lo pass tawh anih avangin a sakna tur hi thahnem ngai taka thawhkhawm turin mipui an ngen a, heng account -Ngurbiakvela Fanai, Chairman JAC on ILRFD, Account Number - 10763526688, IFSC: SBIN0001539, State Bank of India, Solomon’s Cave, Aizawl leh Gpay- 9862926718 bakah Gpay- 9862566106 (Zion Lalremruata, Treasurer, JAC on ILRFD) ah te sum hi thawh theih a ni.

JAC chuan Vairengte Joint VC leh NGO te nen thu an lo passed tawh angin Inner Line Reserved Forest, Square miles 509 a zau chu Mizoram Forest Department in enkawl ve tawh rawh se, tih chu an an dinna ala nih reng thu thuchhuah an siamah an tarlang.

2012-a MUP hmalakna a Boundary Convention neih tuma an thu dah angin Inner line Reserved Forest hi Mizoram (Lushai Territory) ta ngei a nih avangin, The Conservator of Forest, Assam, Shillong Vide memo N0.FA 14/53/135 DATED 22.12.1953  leh Government of Assam, Conservator of Forest, Assam Vide memo No. DATED 16.2.1954 leh Conservator of Assam,  Shillong vide Memo no. TAD/ FR/52/53 Shillong Dated 3.10.1953 a inremsiamna lehkha hi thiah a, bawhzui nghal turin Mizoram sawrkar hnenah ngenna thehluh nghal an tum thu an tarlang. Hei bakah hian India President hnenah ramri chungchangah hian lehkha thehluh an tum bawk.

JAC hian Inner Line Reserve Forest chungchangah thukhat vua-a All NGO’s, All Political Party, sawrkar leh JAC an din zel theihna atana pawl, mimal leh a phur phur in a, a hranga hma lo la lo tur in an ngen nawn tih an sawi bawk.

JAC hian tunhnaia sawrkar hmalakna hrang hrangah lawmthu an sawi a, ramri-a kawng sial thar a ni te, document tha an neih theihna atana Home Minister puinaah leh ramri lama Agriculture minister hmalakna te chu chhuanawm an tih thu te thuchhuah an neiah an tarlang bawk.