Aizawl April 19, 2024 : India Community Centre (ICC), USA in International Training Camp (4 months) April 22 -August 23, 2024 chhunga an buatsaih turah Coach/Trainer atan bum avanga jail tang hrep tawh Lalrinpuia chu an rawn sawm a. Vawiin hian USA a thleng.

Milpitas, California ah training hi a zuk pe ang a, haw lam - kal lam air ticket bakah, hlawh tha tak an pe ang a, awmna tur leh ei leh in ruahmansak ani dawn bawk a ni.

Rinpuia’n coaching a pekna tur ICC hi ITTF in Hot Spot Training Centre khawvela 22 a approve zinga 1 a ni a. Tin hemi Centre a training atang hian Olympian 6 an chhuak tawh a, tuna US National Team member ni mek player 9 te home club a ni bawk.

India player hlui Puia hi Table tennis thiam, bum a nih avanga jail-a tang ta ngar ngar kha a nia, a lo chhuah hnuah Anshul Garg Academy ah coaching pe in hna a thawk mek a ni. Hetiang dinhmun duhawm taka a inhlangkai leh thei hi a lawmpui hle.