Singapore mi OnlyFans creator lar leh hlawhtling ber zinga mi Titus Low chu a taksa 'sek' a pholanna lamah a kal thui deuh nge ni, thiam loh a chang a nih chuan jail bang zut thei dinhmunah a ding tlat mai. 
Kum 22 mi Titus Low hian OnlyFans-ah ruak thlalak leh video a post a, hei vang hian a chungthu ngaihtuah a ni dawn. Nikum December khan man a ni a, OnlyFans creator zinga Singapore-a man tawk hmasa ber a ni nghe nghe. Court chuan a chungthu hi a ngaihtuah dawn a, an ram dan bawhchhiaa thiam loh a chang a nih chuan thla thum vel tal chu jail bang a zut a ngai dawn a ni. 
Singapore Penal Code chuan electronic media tarlan phal chin a nei a, chu chu Titus Low hian a bawhchhia niin an tarlang. Low chuan nikum November khan police te chuan a in an dap thu leh a phone an man sak bakah a OnlyFans account an hren sak thu BBC a lo hrilh tawh a, lockup-ah an khung niin a sawi bawk.