Israel khawpui Jerusalem-ah bomb a puak a, mi pakhat a thih bakah midang 14 ten hliam an tuar. Bomb puaka thi hi mipa kum 16 mi Israeli-Canadian religious student Aryeh Shtsupak a nih thu police te chuan an sawi. 

Bomb hi hmun hnihah a puak a, bus dinna hmun a nih avangin hliam pawh an tam phah a ni. Israel internal security minister chuan he tiang inbeihna hi a thleng khat hle tih sawiin, vanduaina thleng chu pawi a tih thu leh thi chhungte a tuarpui thu a sawi. 

He bomb puakah hian eng pawl mahin an tih a nih thu an la sawi lo a, hetih lai hian Palestinian militant group Hamas leh Islamic Jihad te chuan pawi khawutu fakna thu an chhakchhuak thung a ni.