Kum 51 mi Jennifer Lopez leh Alex Rodriguez (46) te hi 2017 atang khan an inzui tan a, an inhual hnu phei chuan innei zui mai tura ngaih an ni. Amaherawhchu, tum ang ngawtin thil a kal tluang lo - inneih tumin tum hnih lai an inbuatsaih a, mahse a hlawhtling lo ve ve. Kum khat chuang an cheng dun hnuah inhualna an tihtawp thu an puang ta zawk a ni. 

Vacancy a awm leh ta!
Zaithiam leh lencham thiam ni bawk Jennifer Lopez hi a lar rei ta fu mai - a chuai tak tak thei lo a ni ber. A zaithiam bakah a lam thiam tel bawk a, mawng 'shake' vel te chu a larpui pakhat a ni. 

New York nula hian heltu pawh a haichham lo, Marc Anthony nen 2004 khan an innei a, kum 10 hnu 2014 khan an inthen a ni. Hemi hnu hian Cris Judd (2001-2003) nen an innei leh - heng zawng zawng hma hian Ojani Noa nen 1997 chho vel khan an lo inkawl ve zuai tawh niin an sawi bawk. 

A 'thlawi' hnu pawh hian a luck em em reng tho a, vacancy a awm hman meuh lo. Tunah erawh vacancy awm lai tak a ni a, a single rei kher lo mai thei. Tunah hian Miami lamah a khawsa mek a, Alex Rodriguez lak atangin a inthiar fihlim niin an tarlang. 

Inhualna chauh maw?
J.Lo leh Alex Rodriguez te hi 2019 khan thliarkar pakhatah an inhual a, diamond ring an inpe hnap. Tluang takin thil a kal dawn emaw tih laiin beisei loh thil a thleng chho a, an inthen chhan eng nge ni ang? tih chu zawhna awm mek a ni. 

Hetiang boruak karah hian Tv show 'Southern Charm' star Madison LeCroy chuan Alex Rodriguez hian a be 'ck' niin a lo sawi ve mek bawk, a dik ngei em tih erawh fin fiahna a awm lo thung. 

Lopez hi 'Shotgun Wedding' film shooting neiin Dominican Republic-ah hun a hmang mek a, Alex erawh Miami-ah a khawsin amah chauha a thlalak social media-ah a post a ni.