American guitarist lar John Mayer chuan a vawi hnih nan Covid-19 a kai tih a puang a, show a neih tur thenkhat chu a hun sawn a nih tur thu a tarlang. 

'New Light' hitmaker hian 'Sob Rock Tour' a nei mek a, heta show a neih leh tur tum li chu a hri a kai leh tak avangin a hun sawn a nih tur thu a sawi a ni. Kum 44 mi chuan, "Band member zinga a tam zawk chu an positive tih hriat chhuah a ni a, chung zingah chuan keipawh ka tel a ni. Hei vang hian show kan neih leh tur pawh a hun sawn a nghai ta a ni," tiin, February 24, Ningani khan a Instagram lamah a tarlang a, ticket lei tawh fan te hriatthiamna a ngen nghal bawk.