June 5, 2023; Vawiin chawhma dar 10:30 bawr vel khan Aizawl atanga Gauhati pan Network Travels chu Shillong thlen hma Jowai ah a chesual a, vanneihthlak takin thi leh hliam na lutuk, dinhmun ngaihtuahawm an awm lo.

ZALEN thudawn danin, bus hi kawngsir, kopang delhin a let a, passenger tam zawk mi 17 vel te hi Aizawl atanga Diguarh a CUET exam tur Mizo thalai an ni a, an zing a pakhat VL. Rochampuii (20), Aizawl chuan hliam tenau tuarin, hliam tuar dang pakhat Lucy Tungdim (56) Manipur lam mi, sahimna zawnga a fanu awmna Delhi pan tum pawhin hliam tuarin, a ban ruh a tliak a, Woodland Hospital, Shillong panpui a ni.  Vanneihthlak hliam tuar dang erawh an awm lo.

Chetsualna hmun ah hian Jowai Mizo Welfare te leh North East Adventist University a thawk Mizote kalin, Mizo zirlaite hi an buaipui a, zirlai exam tur te hi North East Adventist University campus ah hruai an ni.

Thudawnna in a sawi danin, bus driver hi Meitei niin, a tlanbo a, hemi vang hian khualzin te an kal zui zel dan tur pawh hi chiang taka hriat theih a la nilo.