Tun thla chu smartphone chhuak thar tur nghahhlelhawm tak tak a awm nual mai - man tlawm deuh atanga a to ber ber thlengin a kim viau dawn. 

OnePlus, Realme, Oppo, Xiaomi, Samsung leh company dang eng emaw zatin India ramah smartphone model thar an tichhuak dawn a, ngaihven loh phal chi a ni lo. April - June inkar khan model thar 50 vel a chhuak hman a, July thla chhung ringawt hian model thar 10 vel a chhuah leh beisei a ni. 

Chung zingah chuan - OnePlus Nord 2, Realme GT 5G, Oppo Reno 6, Samsung Galaxy F22, Xiaomi Mi 11 Ultra, Poco F3 GT, leh Vivo V21 Pro te chu ngaihven hlawh zual an ni. 

OnePlus Nord 2 hi 8GB RAM, 50MP primary camera leh 8MP ultra wide-angle camera a ni dawn a, ngaihven chi tak a ni. 

Realme GT 5G hi China-ah tlangzarh a lo ni tawh a, India mipui hman theih turin tun thla chhungin chhawpchhuah a ni ve tawh dawn a, belhchian a dawl hle tura ngaih a ni. 

Oppo lamin Reno 6 leh Reno 6 Pro an tichhuak dawn bawk a, Flipkart lamah ngaihven chi a ni ang. Tlangzarh thar tur zingah Samsung Galaxy F22 pawh hi thawm nei lian ber pakhat a ni a, July 6 hian tlangzarh a ni ang - a battery hi 6,000mAh lai a ni dawn. 
Vivo V21 Pro full hd+ display leh Xiaomi Redmi 10 pawh hi hman chakawm tak a ni a, Poco F3 GT leh Xiaomi Mi 11 Ultra pawh hmaih phal chi a ni lo.