American motorcycle siam chhuaktu lar Harley-Davidson chuan India ramah an bike model thar an tangzarh dawn a, boruak a nei lian nghal hle. An tangzarh tur hi Harley-Davidson X440 a ni a, July thla hian tlangzarh a ni ang. 

Harley-Davidson India chuan an model thar hi July 3-ah tlangzarh a nih tur thu an sawi a, Bajaj-Triumph bike tlangzarh hnu lawkah an tichhuak ve nghal dawn tihna a ni. 

Harley hian X440 tichhuak tur hian Hero MotoCorp an thawhpui a, India ramah ngei an siam a ni. Single-cylinder engine hi  440cc a ni a, a nalh bakah khalh nuam tur taka duan a ni. Dual-channel ABS niin, Bluetooth connectivity a awm thlap bawk. 
Harley-Davidson X440 hi Royal Enfield Classic 350 leh Meteor 350 te nen Indian market-ah inel tawk viau tura ngaih a ni a, a man hi Rs. 2.50 lakhs atanga Rs. 3 lakhs (ex-showroom) vel ni tura ngaih a ni.