Justin Bieber khum thei tur Blackpink?

Admin - Apr 17, 2021

Subsciber mtd 60.1 neiin pahnihnaah an rawn invawrh chho a, Justin Bieber pawh an hnaih nghal awk

Artist zingah YouTube-a subscriber ngah ber chu Candian pop star Justin Bieber a ni a, subscriber maktaduai 62.5 zet a nei. Justin Bieber hian hun eng emaw chen 'ber' nihna a hauh tawh a, tun hnaiah erawh a dinhmun a rawn der thawng thung - Blackpink an rawn lan vang a ni. 

K-pop girl group Blackpink hian subsciber mtd 60.1 neiin pahnihnaah an rawn invawrh chho a, Justin Bieber pawh an hnaih nghal awk. Blackpink hi band/group zingah chuan subsciber ngah ber an ni sa tawh a, rimawi huanga subsciber ngah ber ni turin an dinhmun a tha sawt hle. 

Musician zingah - Justin Bieber, Blackpink, Marshmello, BTS, Ariana Grande, Ed Sheeran, Eminem, Taylor Swift, Katy Perry leh Billie Eilish te chu subscriber ngah zual an ni a, top 10-ah hian K-pop lamin pahnih lai an thawh a ni. 

Top 10 MOST YOUTUBE Subscriber (Million)

1. Justin Bieber    - 62.5    
2. Blackpink         - 60.1    
3. Marshmello     - 52.3    
4. BTS                  - 47.9
5. Ariana Grande - 47.8    
6. Ed Sheeran      - 47.3
7. Eminem           - 47.2
8. Taylor Swift     - 42.2
9. Katy Perry       - 40.4
10. Billie Eilish    - 39.8