Aizawl April 2, 2024 : MP Election campaign-a Serkhan, N.Chaltlang, Nisapui, N.Hlimen, Bukpui, Thingthelh leh Hmar tlang dung khaw hrang hrang tlawh a thang mek mek MNF Senior Vice President Dr. R. Lalthangliana chuan an candidate K. Vanlalvena chu Zofate thlavang hauh tura tang ral raih ngam a ni, tiin, ani aia Mizoram tana MP tha tur an awm chuang lo niin a sawi.

Dr. Thangtea chuan, "Kan thenawm state Manipur buaina a Kristian-te Biakin 300 chuang hal an ni te kha Parliament House-ah kan MP candidate Pu K. Vanlalvena hian a au chhuah pui nasa hle a ni. Hetiang thil hi communist ramah pawh thil thleng ngai lo a ni. Zofate thlavang hauh tura tang ral raih ngam chu kan MP candidate neih zingah Pu K. Vanlalvena chiah hi a ni awm e. MP inthlanah hian rulling MP candidate hi an tling vek reng kher ngai lova, vawi 4 lai rulling MP candidate an lo tla tawh a ni," a ti.

MNF senior Vice President chuan, "Pu K.Vanlalvena hi a chanchin sawi vak ngai lovin mipuiin kan hria a, India ram rorelna khawlah Mizo zingah amah tluk an awm lo. Myanmar border fencing chungchangah Zofate tan nasa takin hma a la a, tun lai khawvelah chuan Pu K.Vena tluk an awm lova, en chhin ngai ve lo, mi hriat sa a ni," a ti bawk.

Dr. R. Lalthangliana chuan, tun hnaiah Serlui bial Saipum khuaah chuan hmunphiah thar sa Godown-ah an dah nghuk mai a. ZPM sawrkar hian lei tura an intiam anga an lei sak loh a vangin mipui rinna an ti chhe mek a ni, a ti bawk.